د اوبو لګولو د دوو پروژو هوکړه لیک د اوبو او انرژی په وزارت کې لاسلیک شوو.

mew-admin
Mon, Apr 01 2019 2:20 PM
mew

د اوبو او انرژی وزارت سرپرست ښاغلی انجنیر محمد ګل خُلمی اود گـټونکو شرکتونو د استازو لخوا د پکتیا ولایت ارګون ولسوالی د ذامه کانال د اعمارولو د پروژی هوکړه لیک او د هرات ولایت انجیل ولسوالی د جغرتان کانال د بیا رغونی هوکړه لیک لاسلیک شوو.
د اوبو او انرژی وزارت سرپرت ښاغلی انجنیر محمد ګل خُلمی د پکتیا ولایت ارګون ولسوالی د ذامه کانال د اعمارولو د پروژی په اړه خبری وکړی او ویی ویل: دغه پروژه چې د اوبو او انرژی وزارت لخوا تمویل کیږي، د 3,907,200 افغانیو په ارزښت ده پخوا، د سیمې کانال 1000 هکټاره ځمکې خړوبولې او د دې سیمې د بیا رغونی څخه وروسته، د اوبو لګولو لاندې ساحه به 1400 هکټاره ځمکې ته لوړه شي کوم چی ۵۰۰ کورنی به د دی څخه ګټه پورته کړی او د ۹ میاشتو په ترڅ که به پای ته ورسیږی.
او د هرات ولایت انجیل ولسوالی د جغرتان کانال د بیارغونی هوکړه لیک د 77,527,051افغانیو په ارزښت د نړیوال بانک لخوا تمویل کیږی د دې کانال د بیارغونی څخه وروسته به د اوبو لګولو ساحو کې د 1,141 هکټارو څخه 1,318 هکټاره ځمکه زیاتوالی ومومی.
وروسته د ګټونکو شرکتونو استازو خبرې وکړې او ژمنه یی وکړه تر څو د هوکړه لیک سره سم عمل کول، په یو وخت کې او د غوره کیفیت سره د پروژو کار بشپړ کړئ.