د اوبو او انرژي سرپرست وزیر د شمال عمومي سیندیزې حوزې او د بلخ فرعي سیندیزې حوزې له کارمندانو او مسؤولینو سره لیدنه وکړه
د اوبو او انرژي سرپرست وزیر الحاج ملا عبداللطیف منصور په داسې حال کې چې د اوبو او انرژي وزارت سلاکار، ډاکټر محمد فاروق اعظم او د شمال عمومي سیندیزې حوزې رئیس، انجنیر رفېع الله مجتبی او د بلخ فرعي سیندیزې حوزې رئیس، مولوي موسی جان حقبین او د نوموړو حوزو ځینو کارمندانو هم شتون درلود، د یادو سیندیزو حوزو له کارمندانو سره وکتل.
د نوموړو سیندیزو حوزو مسؤولینو په یادو حوزو کې د اوبو او انرژي د پروژو او خپلو کړنو په هکله معلومات وړاندې کړل او همدارنګه یې خپل وړاندیزونه او ځینې ستونزې د یاد وزارت سرپرست وزیر ته وړاندې کړلې.
د اوبو او انرژي وزارت سرپرست نوموړو مسؤولینو ته ډاډ ورکړ چې د شته امکاناتو او متوازن انکشاف ته په کتو سره به اړینې کړنې ترسره شي.
