هرات ولایت کې د جذبي څاګانو د کېندلو په موخه ناسته ترسره شوه
دغه ناسته د هرات ولایت د اوبو او انرژي رئيس محترم مولوي سردار عزیزي تر مشري لاندې د هرات ښاروالۍ د وکیلانو د اصنافو او د دغه ریاست د یو شمېر تخنیکي مسؤلینو په شتون کې ترسره شوه.
په دغه ناسته کې، ښاغلي عزیزي د جذبي څاګانو د کېندلو د ارزښت په هکله خبرې وکړې او زیاته یې کړه، چې اقلیمي بدلونونه، پرله پسې وچکالۍ، د وګړو وده او خپل سرې کېندنې د ځمکې لاندې اوبو د کښته تللو لامل شوی او که دغه وضعیت دوام ومومي شوني ده، چې په راتلونکي کې د اوبو له کموالي سره مخ شو، له همدې کبله د دغې ستونزې مخنیوی زمونږ او ستاسو ټوله دنده ده او باید د ځمکې لاندې اوبو د پیاوړتیا لپاره جذبي څاګانې وکېنو.
همدارنګه، په دغه ناسته کې د ښاروالۍ د وکیلانو اصنافو ژمنه وکړه، چې د جذبي څاګانو د کېندلو لپاره هېڅ کوښښ به و نه سپموي.
