د افغانستان انرژۍ سکتور د همغږۍ دریمه ربعوار ناسته.
د افغانستان انرژۍ سکتور د همغږۍ دریمه ربعوار ناسته د امریکا متحده ایالاتو په سفارت کې ترسره شوه.
د افغانستان انرژۍ سکتور د همغږۍ دریمه ربعوار ناسته په چهار شنبې د ۱۳۹۸ کال د وږی ۱۳ مه نیټه د اوبو او انرژۍ وزارت د مالې او اداري مرستیال ښاغلی الماس باور زاخیلوال، د مالیې وزارت د مالې او اداري مرستیال ښاغلی عبدالحبیب ځدران، د برښنا شرکت اجرائیه رییس ښاغلی امان الله غالب، د اقتصاد وزارت د مسلکی مرستیال ښاغلی محمد اسماعیل رحیمی، د افغانستان د چاپېريال ساتنې ملي ادارې د تخنیکی مرستیال ښاغلی عزت الله صدیقی ، د USAID د بنسټیزو برنامو مرستیال ښاغلی کریستوفر فری او د DABS ، د کلیو د بیارغونې او پراختیا وزارت، نړیوال بانک، آسیایی پراختیایی بانک، KFW و UNDP نور با صلاحیتو استازو په ګډون د امریکا متحده ایالاتو په سفارت کې ترسره شوه.
له کورنیو او وارداتي سرچینو څخه د کارولو وړ د برښنا موجوده حالت، د انرژۍ په سکټور کې د افغانستان د چاپېريال ساتنې ملي ادارې رول، په اوبو او انرژۍ وزارت کې د موجوده انرژۍ پروژې تر کار لاندې، د افغانستان برښنا شرکت د انرژۍ پروژو د آنلاین مدیریت سیسټم معرفي کول، د راتلونکو کلونو لپاره د انرژي پروژو پلانونو او د افغانستان د انرژۍ د معلوماتی مرکز د کار څرنګوالي په غونډه کې د طرح شوی موضوعاتو څخه و، چې د غونده ګډونوالو د هیواد په انرژي سکتور کې د اړوندو ادارو ترمنځ د لا همغږۍ پر اړتیا ټینګار وکړی.
