د اوبو او انرژي وزیر د پلتوني بند له روانو چارو څخه لیدنه وکړه
٢٤/ رمضان /١٤٤٧
٢٢/ حوت/ ١٤٠٤
د اوبو او انرژي وزیر محترم الحاج ملا محمد یونس آخندزاده،په داسې حال کې چې د وزارت د انجینري خدماتو عمومي رئیس انجینر اسدالله عمار او د پکتیکا د سیندیزې حوزې رئیس قاري فتح محمد ذاکر یې ملتیا کوله،د پکتیکا ولایت د پلتوني بند له روانو چارو څخه لیدنه وکړه،او مسئولینو ته یې د چارو د لا ښه والي په هکله اړینې لار ښوونې وکړې.
یاده دې وي چې د پلتوني بند پر جوړولو باندې، د اوبو او انرژي وزارت له پراختیایي بودجې څخه ٨٥١ میلیونه افغانۍ لګښت راځي،د نږدې ٢٥ میلیون متر مکعبه اوبو د ذخیره کولو،٢٥٠٠ هکتاره کرنیزه ځمکه د خړوبولو او ٩٣٥ کیلو واټه برېښنا د تولید ظرفیت به ولري.
تر دې مهاله یې ٢٦ فیصده ساختماني چارې بشپړې شوې دي.
