کندهار ولایت کې د یوه سربند جوړولو او کانال د پاکاري پروژې چارې د نږدې دوه میلیوه افغانیو په لګښت پيل شوې
د کندهار ولایت د ډنډ ولسوالي په شفا کلي کې د یوه سربند جوړولو او کانال د پاکاري پروژې چارې د ۱ میلیون، ۴۵۵ زره او ۸۵۳ افغانیو په لګښت پيل شوې.
د دغې پروژې د چارو په بشپړېدو سره به کانال ته د اوبو د پورته کېدو او منظم لېږد ترڅنګ د نوموړې سیمې د خلکو ستونزې هم هوارې شي.
په دغه پروژه کې ګڼ شمېر خلکو ته د کار زمینه چمتو شوې او چارې به یې د دوو میاشتو په موده کې بشپړې او ګټې اخیستنې ته وسپارل شي.
د نوموړې پروژې چارې د ملګرو ملتونو د پراختیایي دفتر په مالي لګښت د کندهار ولایت د اوبو او انرژي ریاست تر څارنې لاندې پرمخ وړل کېږي.
