خبرتیا !
خبرتیا !
د اوبو او انرژي پخواني وزارت او د اوبو چارو د تنظیم ملي ادارې د IRDP پروژې اوسني او پخواني قراردادي شرکتونو؛
دا چې د IRDP پروژه د ۲۰۲۰ کال د ډسامبر میاشت په آخر کې ختمه شوې او اوس د Grace Period په مرحله کې قرار لرو او دغه دوره د ۲۰۲۱ کال د جون په اخر کې ختمیږي، د جون په وروستۍ نېټه د نړیوال بانک ځانګړی اکونټ بندیږي او د پیسو ورکړه نه تر سره کیږي.
بناء له ټولو هغو قراردادي شرکتونو څخه چې پروژې یې بشپړې شوي او د پروژې بشپړېدو وروسته یې یو کال موده بشپړه شوي وي خبر ورکول کیږي چې د خپلو تامیناتو تر لاسه کولو لپاره خپل د دایمي تسلیمي اسناد، د شرکت غوښتنلیک او د خپل رویالټي اسنادو سره د ۲۰۲۱ کال د جون میاشتې تر ١٤ نېټې پورې د تامیناتو اجراء په موخه د برنامو د انسجام ریاست ته تشریف راوړي.
او همدارنګه هغه شرکتونه چې د تسلیمۍ یو کال میعاد یې بشپړ کړی نه دی او يا د پروژې کار يې جريان لري هیله کیږي چې د خپلو تامیناتو اجرا لپاره بانکي ضمانت راوړي او د خپلو تامیناتو غوښتنه وکړي.
د یادونې وړ ده چې یاد اسناد باید د ۲۰۲۱ کال د جون میاشتې تر ١٤ نېټې پورې حاضر کړي؛ له هغه ور هاخوا مسؤلیت د اوبو چارو د تنظیم ملي ادارې په غاړه نه بلکې قراردادي شرکتونه مسؤل دي.
د اوبو چارو د تنظیم ملي اداره
