نورستان ته دانرژی او اوبو وزارت لوړ پوړی هیئت سفر.
د هیواد د جمهور رئیس جلالتمآب داکتر محمد اشرف غنی د ځانګرې هدایت په بنسټ، د اوبو او انرژۍ وزارت د مالی او اداری مرستیال ښاغلی الماس زاخیلوال د تجارت وزارت مرستیال اجمل حمید عبدالرحیمزي، د اقتصاد وزارت، د کرنې او مالدارۍ وزارت او د چاپیریال ساتنې ملي اداري مرستیالونو او د چارو ادارې لوی ریاست چارواکي سره نورستان ولایت ته سفر وکړ.
د دې سفر موخه په نورستان ولایت کې د جلغوزو د صادراتو او تولیداتو د پراختیا په کنفرانس کې ګډون کول و.
د اوبو او انرژۍ وزارت د مالی او اداري مرستیال ښاغلی الماس باور زاخیلوال په کنفرانس کې د ګډون ترڅنګ، د ګبیوني له یو شمیر پروژو او پدې ولایت کې د چک دم جوړولو لپاره له یو شمیر سروې شویو سیمو څخه لیدنه وکړه.
ښاغلي زاخیلوال نورستان ولایت ته د خپل سفر پرمهال په دغه ولایت کې د اوبو او انرژۍ وزارت د اداری ساختمان هم پرانیست.
