کنړ ولایت کې د دوو چکډمونو د جوړولو چارو له بهیر څخه څارنه وشوه.
د کنړ سیندیزې فرعي حوزې تخنیکی ټیم د یاد ولایت په څوکۍ او خاص کنړ ولسوالیو کې د ګرى کال او حکيم آباد چکډمونو د جوړولو چارو له بهیر څخه څارنه وکړه او اړوندو مسؤلینو ته یې د چارو د غوره پرمخ وړلو په موخه اړینې لارښوونې وکړې.
د نوموړو چکډمونو د جوړولو چارې د اوبو او انرژي وزارت په مالي لګښت، د کنړ سیندیزې فرعي حوزې تر څارنې لاندې پرمخ وړل کېږي، چې د ګری کال چکډم د جوړولو چارې 78 سلنه او د حکیم آباد چکډم د جوړولو چارې 91 سلنه بشپړې شوې دي.