کمیته انرژی ولایتی در ولایت کاپیسا ایجاد شد

این کمیته با حضور محترم شیخ اسدالله سنان، معاون والی کاپیسا، محترم انجنیر کاوه خروش، رئیس حوزه فرعی دریایی کاپیسا و اشتراک سایر اعضای آن و محترم محمد حنیف صاحب زاده، آمر هماهنګی زون های انرژی وزارت آب و انرژی ایجاد گردید.

طبق طرزالعمل وزارت آب و انرژی ریاست کمیته متذکره به مقام ولایت کاپیسا، سکرتریت آن به ریاست حوزه فرعی دریایی کاپیسا و اعضای شامل کمیته محول گردید.

سپس، رئیس حوزه فرعی دریایی کاپیسا پیرامون ایجاد کمیته انرژی ولایتی و اهداف آن به اشتراک کنندگان معلومات همه جانبه ارائه نمود.

قابل یاد آوری‌ست که تاکنون در چندین ولایت کمیته‌های انرژی ولایتی به منظور  انسجام امور سکتور انرژی در سطح ولایت‌ها ایجاد گردیده است.