ششمین دور امتحان جمعی استخدام کارمندان جدید در وزارت آب وانرژی برگزار شد.
این امتحان به منظور سپردن کار به اهل کار و استخدام کارکنان مسلکی در بست های خالی وزارت آب وانرژی برگزار گردید.
در جریان افتتاح این برنامه که شماری از روسا و مسئولان وزارت آب و انرژی در آن حضور داشتند، محترم قاری محمد عبدالعزیز عزیز رئیس دفتر مقام وزارت پیرامون اهمیت خدمت به کشور صحبت نموده وظایف دولتی را به عنوان یک مسئولیت مهم بیان کرد.
آقای قاری محمد عبدالعزیز اشتراک کنندگان را به تقوا و اخلاص توصیه نموده و همه آنها را در راه خدمتگذاری صادقانه به کشور تشویق کرد.
قابل یادآوری است که در این دور امتحانات بیش از 120 نفر اشتراک ورزیدند، این اشتراک کنندگان در بخش های مختلف اداری، انرژی، انجنیری سیول، تکنالوژی معلوماتی و جی آی اس پس از سپری نمودن امتحان در صورتیکه بتوانند نمرات کامیابی را اخذ نمایند استخدام می گردند
