د اوبو او انرژي وزارت د رهبري غونډه ترسره شوه
دغه غونډه د اوبو او انرژي سرپرست وزیر محترم الحاج ملا عبداللطیف منصور تر رهبري لاندې د اوبو معین محترم مجیب الرحمن عمر آخندزاده، د انرژي معین محترم الحاج ملا عبدالهادي یعقوب او د دغه وزارت د سلاکارانو او رئیسانو په شتون کې ترسره شوه.
په دغه غونډه کې، د اوبو او انرژي سکتورونو د بېلابېلو اداري او تخنیکي موضوعاتو په ځانګړې توګه د دغه وزارت د ۱۴۰۴ لمریز کال بودجې د اغېزمنې مصرفولو لپاره د اړینو تصمیمونو نیولو او د اداري او تخنیکي چارو د لا غوره پرمخ وړلو په موخه د وزارت د تشکیل د معیاري کولو په هکله بحث او د اندونو تبادله وشوه.
د غونډې په بهیر کې، د نوموړو موضوعاتو په تړاو د رئيسانو د معلوماتو او اندونو تر شریکولو وروسته، اړین تصمیمونه ونیول شول او همدارنګه اړوندو مسؤلینو ته د اجراآتو د غوره والي او اغېزمنتیا د زیاتوالي په موخه اړینې لارښوونې وشوې.
