مسئولین یک گروپ‌ شرکت‌های عراقی در دیدار با رئیس عمومی انرژی پایدار علاقه‌مندی سرمایه‌گذاری شان‌را در پروژه‌های انرژی ابراز نمودند

محترم مولوی عبدالرحمن رحمانی، رئیس عمومی انرژی‌ پایدار وزارت آب و انرژی با مسئولین گروپ شرکت‌های الراجی دیدار کرد و پیرامون سرمایه‌گذاری در پروژه‌های تولید انرژی از منابع مختلف بحث و تبادل نظر نمود.

رئیس عمومی انرژی پایدار از علاقه‌مندی سرمایه‌گذاری آنها در پروژه‌های انرژی استقبال نمود و از آنها خواست که پیرامون انتخاب پروژه‌ها با تیم تخنیکی وزارت هماهنگی نمایند.

مسئولین شرکت‌های گروپ الراجی از آمدن شان به افغانستان اظهار خرسندی نموده وعده سپردند که به زودی پروپوزل‌های مالی و تخنیکی شان را با مسئولین ذیربط وزارت شریک خواهند کرد.