ولسمشر غني: "نن ډېر خوښ یم، نن مې د کمال خان بند مستې څپې ولېدې، د افغانستان ۷۰۰ کلنه د زړه هیله مې پوره شوه".
کمال خان بند چې د هېواد یو ستره او ملي پروژه ده، د اوبو د چارو د تنظیم ملي ادارې لخوا یې چارې بشپړې او د اوبو ذخیره کول یې پيل شول. د دغه بند بشپړېدو سره د هېوادوالو په څېرو د خوښۍ موسکاوې خورې شوې او د ویاړ احساس یې وکړ. د نورو هېوادوالو تر څنګ د هېواد جلالتمآب ولسمشر محمد اشرف غني هم خپله خوښي څرګنده کړه او کمال خان بند په اشارې یې وویل: "نن ډېر خوښ یم، نن مې د کمال خان بند مستې څپې ولېدې؛ د افغانستان ۷۰۰ کلنه د زړه هیله پوره شوه". د اوبو د چارو د تنظیم ملي ادارې رهبرۍ د دغه سترې پروژې د بشپړېدو له امله د هېواد جمهور رئيس او ټولو هېوادوالو ته مبارکي وايي او خپل ولس ته ډاډ ورکوي چې د هېواد اوبه به مهار کیږي؛ د کمال خان بند تر څنګ به یو شمېر نور بندونه بشپړ او ګټې اخیستې ته وسپارل شي.
د اوبو د چارو د تنظیم ملي اداره
